Cah Panaraga

Slompret-slompret unine pating celeret

kendhang angumandhang, bonang angadhang-adhang

geronge sineret, cakepan sarwi mepet

angklung melung-melang, si Jathil turut nggandhang

areke panaraga tuwa kalawan mudha
ngruket dadi siji kapencut angresepi
kabeh dadi bocah mamring wiyah-wiyah
andhepani wani sinambat maragani

kepara wus cetha kabeh wsi malaha
tan ana endah edi nanging jatining dhiri
kabeh wis tarwaca kepara wasis kandha
udharane rasa kandha  kula tresna

e dhasar bocah kana
mloget amethakil kadi gandhes si jathil
clemang-clemong empere bujangganong
gawe batin anyel dhasare dhemen nyiwel

tansah gawe gela mangsane kabeh lunga
ngumandhang swarane gangsa
sirna tanpa tandha

e jebul kethoprak, dakkira reog sampak

Didik Supriadi
Semarang, 24 Desember 2014